عاصمة الحديد والنار
بسم الله الرحمن الرحيم
اخي الزائر سلام الله عليك
مرحبا بك في منتديات عاصمة الحديد والنار وحبابك الف في عطبرة
هذه الرسالة تدل علي انك غير مسجل لدينا , فإن كنت عضوا تفضل بالدخول وإن لم تكن عضوا تفضل بالتسجيل بعد قراءة قوانين المنتدى الموجودة هنا :
http://atbara.forumn.org/t1-topic#1
وللتسجيل في منظمة عطبرة الخيرية تفضل بقراءة هذه المعلومات :
http://atbara.forumn.org/t6330-topic

ولك التحية


اهلاً وسهلاً وحبابك عشرة بلا كشرة يا زائر فى منتديات عطبرة عاصمة الحديد والنار
 
الرئيسيةالتسجيلدخول

شاطر | 
 

 حنة محاسن الماشالت

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
محمد جمعة
مشــــرف
مشــــرف
avatar

عدد الرسائل : 3753
رقم العضوية : 85
1 :
تاريخ التسجيل : 25/03/2008

مُساهمةموضوع: حنة محاسن الماشالت   الخميس يناير 28, 2010 11:55 am


لقيتو قاعد جنب باب الشقة وجنبو أنبوبة غاز مرتاح في واطة الله سلمت عليه ,, إزيك يا أخينا مالك قاعد هنا ؟ .
عاين لي شديد وهو يأشر بإيدو لباب الشقة وقال لي الشقة مقفولة وأنا ما عندي المفتاح أصلو المفتاح جوة عند محاسن ومحاسن متحننة وما دايرة تقوم وتخرب حنتها وقالت لي إنتظر لحدي ما الحنة تشيل وبعدين تجي تفتح الباب ....... أها أنا قاعد وراجي الحنة تشيل .. لكن يا زول الحنة بتشيل في كم ساعة ؟؟ عاينت ليهو وكلي شفقة علي هذا الزوج الأليف الوديع الذي أبدع فيه الفكي بتاع محاسن في أن يجعل منه نعجة وقلت ليهو يا أخينا شيل الحنة ومدته بتتوقف علي عوامل كثيرة أهمها نوع الحنة والمحلبية والصبغة وحاجات تانية زي بطن الكرعين وكدي . وبعدما إنتهيت من نضمي وشرحي الوافي عن العلاقة بين شيل الحنة والمدة الزمنية عاينت ليهو لقيت الهم عصف بيه ودا بان علي وشيشو وعلي وشك أن يزرف الدمع الثخين وقال لي تعرف إنو الحنة نمرة واحد جايانا مخصوص من البلد والمحلبية أصلية ميسو محاسن ما قاعدة تستعمل الصبغة عندها حساسية وبطن كرعين محاسن صلاتي علي النبي ما جضوم ليلي علوي يعني بي كلامك دا حنتنا عشان تشيل دايرة ليها ثلاثة ساعات وأنا ماشي الشغل كيف الحل ؟؟

قلت ليهو طيب كلمها وخليها تفرتق الحنة وتقوم تفتح ليك الباب يازول عاين لي بي غضب ونهرني وقال لي يا زول إنت ما نصيح داير حنتها تخرب وتطلع شينة والنسوان يقعدن ويتقارصن ويتونسن بيها ياأخوي كلو شئ ولا زعل حسونتي إنشاء الله يرفدوني من الشغل بس هي حنتها تشيل وتطلع سمحة . ومشي علي باب الشقة وقعد يكورك محاسن يا محاسن ما شالت؟؟وبعد دا سمعت لي صوت من الداخل زي صوت العسكري قالت ليهو يشيلك التمساح ما قنا ليك لسع كرهتني الحنة يا خي زولي هنا قعد يبلع في ريقو وضحك وعاين لي وقال الله يهديها بس عصبية شوية إلا طيبة طيبة وحنيييييييييينة وأنا لملمت بعضي ونزلت ثلاثة سلالم وأسمع ليك بعدا دا أخونا يغني يدندن
الزول السمح فات الكبار والقدرو
كان شافوهو نوع دا كانوا يعزرو
v
v
v
منقول

_________________


[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذا الرابط]
اللهم اشفي ابنائنا عبدالمنعم وشهد انت الشافى



الرجوع الى أعلى الصفحة اذهب الى الأسفل
ابن بطوطة
عطبراوي بلاتيني
avatar

عدد الرسائل : 9217
رقم العضوية : 174
1 :
تاريخ التسجيل : 04/11/2008

مُساهمةموضوع: رد: حنة محاسن الماشالت   الخميس يناير 28, 2010 12:28 pm

اقتباس :
هذا الزوج الأليف الوديع الذي أبدع فيه الفكي بتاع محاسن في أن يجعل منه نعجة

مطلوب فورا : رقم موبايل هذا الفكي

اقتباس :
وبطن كرعين محاسن صلاتي علي النبي ما جضوم ليلي علوي

وصف دقيق , الظاهر بتغسل الكرعين ديل كل يوم
أو : بتاخد شلوت بيها في وشك كل يوم

اقتباس :
ونهرني وقال لي يا زول إنت ما نصيح داير حنتها تخرب وتطلع شينة والنسوان يقعدن ويتقارصن ويتونسن بيها ياأخوي كلو شئ ولا زعل حسونتي

أصيل والله , ومحاسن عرفت تربي
----------
محمد جمعة : المصيبة ده جبتو لينا من وين ؟

_________________


استغفر الله العظيم
الرجوع الى أعلى الصفحة اذهب الى الأسفل
محمد جمعة
مشــــرف
مشــــرف
avatar

عدد الرسائل : 3753
رقم العضوية : 85
1 :
تاريخ التسجيل : 25/03/2008

مُساهمةموضوع: رد: حنة محاسن الماشالت   الخميس يناير 28, 2010 12:42 pm

[ندعوك للتسجيل في المنتدى أو التعريف بنفسك لمعاينة هذه الصورة]
لكن ياخوي سيوف جنس محن دا المخوفنا من ناس محاسن ديل

اشكرك علي المرور والتعليق ياغالي

_________________


[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذا الرابط]
اللهم اشفي ابنائنا عبدالمنعم وشهد انت الشافى



الرجوع الى أعلى الصفحة اذهب الى الأسفل
محمد محمود حسن سعيد
عطبراوي مجتهد
عطبراوي مجتهد
avatar

عدد الرسائل : 214
1 :
تاريخ التسجيل : 21/11/2009

مُساهمةموضوع: رد: حنة محاسن الماشالت   الخميس يناير 28, 2010 9:35 pm

(هنالك مقولة تقول الما بخاف من مرتو ما.....؟)
وغايتو يا خوانا لو حصل وربنا ابتلانا بنعمت العرس نسأل الله أن يجنبنا نوعية محاسن
الرجوع الى أعلى الصفحة اذهب الى الأسفل
محمد جمعة
مشــــرف
مشــــرف
avatar

عدد الرسائل : 3753
رقم العضوية : 85
1 :
تاريخ التسجيل : 25/03/2008

مُساهمةموضوع: رد: حنة محاسن الماشالت   الجمعة يناير 29, 2010 7:28 am

اللهم آمييين ينجينا جميعا من نوعية محاسن دي انشاءالله
لك شكري وتقدير اخي محمد محمود

_________________


[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذا الرابط]
اللهم اشفي ابنائنا عبدالمنعم وشهد انت الشافى



الرجوع الى أعلى الصفحة اذهب الى الأسفل
عبدالفتاح بن سعيد
عطبراوي ذهبي
عطبراوي ذهبي
avatar

عدد الرسائل : 1023
1 :
تاريخ التسجيل : 21/04/2010

مُساهمةموضوع: رد: حنة محاسن الماشالت   الإثنين يوليو 12, 2010 9:42 am

ياخونا ياعسل من البداية بتكون النهاية يعني أعمل حسابك ياصاحبي وفي محاسنات ما أروعهن وعن تجربة ، في واحد قال لي أصحابو أنا في البيت الكلمة الأولى والأخيرة لي أنا ؟ الجماعة سألوه بتقول شنو؟ قال بقول حاضر ،لك التقدير ودمتم في حمى محاسن هههههههههههههههههههههههههههههههههههههههههههههههههههههههههههههههههههههههههههههههههههههههه


[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
ابن بطوطة
عطبراوي بلاتيني
avatar

عدد الرسائل : 9217
رقم العضوية : 174
1 :
تاريخ التسجيل : 04/11/2008

مُساهمةموضوع: رد: حنة محاسن الماشالت   الإثنين يوليو 12, 2010 5:06 pm

ياخي انا امبارح بحثت عن الموضوع ده لما تعبت , كنت ببحث باسم "عواطف" , وكان في ذهني انو الجاب الموضوع محمد هاشم (في علاقة بينك وبين راجل محاسن/عواطف يا محمد هاشم؟)

المهم : محاسن دي جبتها من وين يا ود جمعة ؟
الشغلة الظاهر عليها من القصص الشعبية والجماعة عاملين فيها مؤلفينها [ندعوك للتسجيل في المنتدى أو التعريف بنفسك لمعاينة هذا الرابط]


_________________


استغفر الله العظيم
الرجوع الى أعلى الصفحة اذهب الى الأسفل
محمد جمعة
مشــــرف
مشــــرف
avatar

عدد الرسائل : 3753
رقم العضوية : 85
1 :
تاريخ التسجيل : 25/03/2008

مُساهمةموضوع: رد: حنة محاسن الماشالت   الثلاثاء يوليو 13, 2010 6:35 am

اخوي الغالي عبد الفتاح
عندك حق انو هناك محاسنات ما اروعهن حسب تجربتك
وانا اقول ايضا هناك محاسنات عندهم حق في البيعملو في رجالهم
لانهم معذورات مسجونات الاسبوع كلو داخل الشقة ونهاية الاسبوع يروحو يتمشو شوية
ويمكن التمشية دي تطرشق لانو الزوج جاء مرهق من العمل وعمل الحيلة انو عربيتو خربانة
او جاب ليه اي سبب وجلسو في البيت احسن حاجة ياخوي تخت الحنة وتشغل نفسها شوية وتبشتنو
ذي البشتنة العملها ليها بالحبسة داخل شقتها وهي متعودة للخروج كل صباح علشان تصبح علي ناس نفيسة
وتروح تشرب جبنتها بالنهار عند ناس ليلي وتروح المساء تمسي علي ناس عاشة
وطبعا لو امها في نفس الحلة اياها ما اتلمت في البيت الا اخر الليل
صراحة معذورة البتنجض الراجل وتخليه يقعد يحرسها لمن حنتها تشيل
ومعذور الراجل لانو مقدر الوجعة الجابها ليها وهي السجن بدون سجانة
والله في عونهم وعون رجالهم

حبيبنا سيوف
انت ياخوي لقيت حنة محاسن في منتدي وادي خليل وبرضو منقولة وطبعا دا منتدي بلدنا في المحس

_________________


[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذا الرابط]
اللهم اشفي ابنائنا عبدالمنعم وشهد انت الشافى



الرجوع الى أعلى الصفحة اذهب الى الأسفل
أبووردة
مشرف سابق
مشرف سابق
avatar

عدد الرسائل : 2565
1 :
تاريخ التسجيل : 15/05/2009

مُساهمةموضوع: تستاهل   الثلاثاء يوليو 13, 2010 6:55 am

تستاهل طلقتين واحده والثالثه والثانيه فوق راسها
الرجوع الى أعلى الصفحة اذهب الى الأسفل
محمد جمعة
مشــــرف
مشــــرف
avatar

عدد الرسائل : 3753
رقم العضوية : 85
1 :
تاريخ التسجيل : 25/03/2008

مُساهمةموضوع: رد: حنة محاسن الماشالت   الثلاثاء يوليو 13, 2010 7:09 am

صحبي ابووردة ليك التحايا ملايين
مالك علي محاسن ياخوي الراجل داير العذاب وجاب المسكينة
وتركها في الشقة تصدق انو غالبية الحريم هنا لايرون الشمس
وعندهم حق عندما يخلو رجالهم يشوفو النجوم بالنهار

دويرة كدا
انت خليك من حنة محاسن دي الماشالت انت مفاجأتك لسة ماحان موعدها
اصلي انا وسيف متحرقين شديد علشان نعرفها
ماتقول لينا بقيت وزير مع الوزراء الكتار ديل

_________________


[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذا الرابط]
اللهم اشفي ابنائنا عبدالمنعم وشهد انت الشافى



الرجوع الى أعلى الصفحة اذهب الى الأسفل
فواز
عطبراوي مبدع
عطبراوي مبدع
avatar

عدد الرسائل : 124
1 :
تاريخ التسجيل : 13/05/2010

مُساهمةموضوع: رد: حنة محاسن الماشالت   الثلاثاء يوليو 13, 2010 2:36 pm

محمد جمعة وسيف ...ماتقعو في واحدة زي دي...وزي راجل سيدة...
الرجوع الى أعلى الصفحة اذهب الى الأسفل
رونق النيل
عطبراوي مبدع
عطبراوي مبدع
avatar

عدد الرسائل : 129
1 :
تاريخ التسجيل : 09/05/2010

مُساهمةموضوع: رد: حنة محاسن الماشالت   الثلاثاء يوليو 13, 2010 6:14 pm

اللهم زد وبارك من ناس محاسن
الرجوع الى أعلى الصفحة اذهب الى الأسفل
علي عبد الله
عطبراوي برونزي
عطبراوي برونزي
avatar

عدد الرسائل : 530
1 :
تاريخ التسجيل : 13/02/2010

مُساهمةموضوع: رد: حنة محاسن الماشالت   الثلاثاء يوليو 13, 2010 6:49 pm

مشكور يا ود جمعة وما تخوخ العزابة ديل
انا حصلت لي قصة حنه مرة رجعة من الشغل ودقيت الباب ولما عرفون انا جاتني زوجتي جاريه جري ولما فتحت الباب لقيت كرعينة مجلبطات بالحنة ورجعت وعملتها من جديد

_________________
[center]اللـــــــــــــــــــــــــــــــــــــــــــــ ـــــهم **

اذا منحتني مالا فلا تأخذ مني ...............سعادتي
واذا منحتني قوة فلا تأخذ مني .............عقلـــي
واذا منحتني نجاحا فلا تأخذ مني..............تواضعي
واذا منحتني تواضعا فلا تأخذ مني...اعتزازي بكرامتي
الرجوع الى أعلى الصفحة اذهب الى الأسفل
عبدالفتاح بن سعيد
عطبراوي ذهبي
عطبراوي ذهبي
avatar

عدد الرسائل : 1023
1 :
تاريخ التسجيل : 21/04/2010

مُساهمةموضوع: رد: حنة محاسن الماشالت   الثلاثاء يوليو 13, 2010 8:00 pm

بعدين حنة شنو الخاتنها الصباح ، الحنة مواعيدها معروفة بتكون المساء أو العصر أو الخميس يعني في برنامج ثابت للحنة والحاجات الثانية بتاعة المتزوجين العزابة الغلابة بعدين يخشو البرنامج دا ودجمعة المحس المحس ولا ترخيص عطبرة زي حلاتنا ، بعدين الزمن ده كلو دفع أمامي والحنة بقت صبغة وحاجات تانية حامياني .
لكم التقدير وشيخنا أبووردة مش بالغ شويه ، ده الحنان كلو طلقة شنو .
الرجوع الى أعلى الصفحة اذهب الى الأسفل
محمد جمعة
مشــــرف
مشــــرف
avatar

عدد الرسائل : 3753
رقم العضوية : 85
1 :
تاريخ التسجيل : 25/03/2008

مُساهمةموضوع: رد: حنة محاسن الماشالت   الأربعاء يوليو 14, 2010 7:42 am

اخوي الرائع فواز شكلك عايز تطمئن نفسك

تعرف لو وقعنا في متل محاسن وسيدة امانة مابنتبشتن جنس بشتنا
ان شاءالله ربنا يبعدنا ويبعدك من متل ديله

الرائعة اختنا رونق الجنس للجنس رحمة مالك علينا مكتراهم

الغالي اخوي ابو علوة شفت الله مرققك من صنقيرة قدام الباب كيف اسة كان لقيناك مصنقر وتدندن
الزول السمح فات الكبار والقدرو ** كان شافوه نوع دا كانو يعزرو

الرائع دوما اخوي ابوعبدالعزيز ياخوي الشغلة ماكانت الصباح بيني وبينك شفت ليك واحدة قاعدة في السعودية
بتصحي الصباح لو صحت الصباح تخلي الاولاد يروحو المدارس وتروح تكمل نومتها
ماتقوم الا بعد الظهر تجهز الغداء او تخت الحنة ذي محاسن
وتبشتن الراجل تخليه راجع من الدوام ويصنقر قدام الباب وديل بالذات انا بعذرهم وهم في السجن البدون سجان
اما عن المحس انا محسي ترخيص عطبرة يعني محسي تايون وعطبراوي اصلي

_________________


[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذا الرابط]
اللهم اشفي ابنائنا عبدالمنعم وشهد انت الشافى



الرجوع الى أعلى الصفحة اذهب الى الأسفل
ابن بطوطة
عطبراوي بلاتيني
avatar

عدد الرسائل : 9217
رقم العضوية : 174
1 :
تاريخ التسجيل : 04/11/2008

مُساهمةموضوع: رد: حنة محاسن الماشالت   الأربعاء يوليو 14, 2010 5:41 pm

يا جماعة المشكلة الاساسية هنا
محمد جمعة كتب:

عاين لي شديد وهو يأشر بإيدو لباب الشقة وقال لي الشقة مقفولة وأنا ما عندي المفتاح أصلو المفتاح جوة عند محاسن ومحاسن متحننة وما دايرة تقوم وتخرب حنتها وقالت لي إنتظر لحدي ما الحنة تشيل وبعدين تجي تفتح الباب .......
لو كان شايل معاه المفتاح ... عنها حنة محاسن شالت ولا ما شالت
بس المشكلة لو كانت محاسن مانعة عنه المفتاح ..
في الحالة دي كما قال ابووردة : طلقة طلقتين والتالتة في راسها

_________________


استغفر الله العظيم
الرجوع الى أعلى الصفحة اذهب الى الأسفل
محمد جمعة
مشــــرف
مشــــرف
avatar

عدد الرسائل : 3753
رقم العضوية : 85
1 :
تاريخ التسجيل : 25/03/2008

مُساهمةموضوع: رد: حنة محاسن الماشالت   الخميس يوليو 15, 2010 5:07 am

حبيبنا سيوف يعني احتمال صحبي ابووردة يكون عندو حق
لكن بطريقة راجل محاسن دا القلب البيطلق بيهو يجيبو من وين

_________________


[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذا الرابط]
اللهم اشفي ابنائنا عبدالمنعم وشهد انت الشافى



الرجوع الى أعلى الصفحة اذهب الى الأسفل
 
حنة محاسن الماشالت
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
عاصمة الحديد والنار :: الإستــــراحــة العطبراوية :: منتدي المواضيع المنوعة-
انتقل الى: