عاصمة الحديد والنار
بسم الله الرحمن الرحيم
اخي الزائر سلام الله عليك
مرحبا بك في منتديات عاصمة الحديد والنار وحبابك الف في عطبرة
هذه الرسالة تدل علي انك غير مسجل لدينا , فإن كنت عضوا تفضل بالدخول وإن لم تكن عضوا تفضل بالتسجيل بعد قراءة قوانين المنتدى الموجودة هنا :
http://atbara.forumn.org/t1-topic#1
وللتسجيل في منظمة عطبرة الخيرية تفضل بقراءة هذه المعلومات :
http://atbara.forumn.org/t6330-topic

ولك التحية


اهلاً وسهلاً وحبابك عشرة بلا كشرة يا زائر فى منتديات عطبرة عاصمة الحديد والنار
 
الرئيسيةالتسجيلدخول

شاطر | 
 

 رد أهل العوض

اذهب الى الأسفل 
كاتب الموضوعرسالة
beiaz
عطبراوي نشط
عطبراوي نشط
avatar

عدد الرسائل : 49
1 :
تاريخ التسجيل : 25/04/2010

مُساهمةموضوع: رد أهل العوض   السبت مايو 22, 2010 3:40 am

رسالة بليغة لشاعر البطانة / يوسف القسم الشوبلي


رسالة بليغة من أهل العوض مخصوصة للإبن الظريف ود المدن ود موسي
بدور رد السؤال لو باللغة المهموسة فينا نقيصة ولا الصورة جات معكوسة ؟

******
ما جبتا الفتنة تعلن حرب بى جاسوسة والسبب الفنيلةالقلت في الوسخ مدسوسة
نحن نفوسنا في بحور العفاف مغموسة مية غمسة لاعار لا دنس لا س
وسة


clown

_________________
العلم يقودك دائماً إلى بر الأمان ... تعلم وقل ربى زدنى علماً

الرجوع الى أعلى الصفحة اذهب الى الأسفل
beiaz
عطبراوي نشط
عطبراوي نشط
avatar

عدد الرسائل : 49
1 :
تاريخ التسجيل : 25/04/2010

مُساهمةموضوع: رد: رد أهل العوض   السبت مايو 22, 2010 3:43 am

نحنا أهل العوض والعزة ما بنكوسا أصحاب سمته وأصحاب فرسةً موروثة
نحنا أنعامنا بتعاف ترتع المعفوسة ونحن جدودنا عادي بطيعوا الجاموسة

*****
إيانا أهل العوض أهل النحاس أب رنّة أهل البَدر ة والمهيوب وأهل الشنّة أهل عزة وأهل سمتة وعروض ومحنة ناس البادية ناساً عشرتن تتمنى

******
نحن أهل العوض وحافظين عهود ما خناّ وللجار و العشير بالشينه ما تعجلنا
بيوتنا مسيد ضيوف زمن العدم ما بَخَلْنَا وما بصح الوليد في أعرافنا يجاهلنا
*****
ونحنا أهل العوض والله لاتقينا ولا تبدلنا واثبين كالأسود من واجبة ما اتماهنا
في البر في البحرتلقانا وين ما كنّا في قمم الرجال كذب البمِس لى حصونّا

******
ونحنا أهل العوض في الحالي و الفات كنا قج شرك الكلا م في سيرنا ما بعطلنا
بس بوعيك أكان دقس في أصولنا ومتجاهلنا نحسب في الجدود ستين ومن غير إنََّ

*****
ونحنا ربّونا الشياب فوق ماما ماتعجنا حافظين لسان حافظين كرامة أهلنا
أشبال من أسود في ضبعة ما تهجنا سايرين سير كرام لامن نلاقي اجلنا

*****
ونحنا ذاتنا يا ود موسي ما بواخذونا بي بنولـِّد و الـما عندو رأي حقو يتبع ويقلد
لو ما مخـّك المخمور وحسك المتبلد جامعة موسكو ما جابت دكاترة تولد ! ؟

*****
ما راعيت شعور الناس شعورك فاترة بتسيء للعزار أهل السيوف الباترة
أَمَانةً تَدخنك شطة ودموعك قاطرة ما سمعت بالولادة أتخصصولا دكاترة !؟

******
نحن والله عرب وأولاد عرب لينا الشرف والعز بنسرح بالرزق نحلب نصـُر ونجز
ويوم الحارة والعركة السلاح أب رز ثابتين كالجبال الشامخة ما بنفز
*****
المخسوفة والمرقوعة ياها لباسنا المجلوبة والمقنية من ميراثنا
الجار والعشير من الكتف لى راسنا في المال والعروض تخشى الملوك من باسنا

*****
ليه يا ود موسى بتذم الرجال بالعايلة ما بعشّوا الضيوف تحت السحابة الشايلة ؟
ما سمعت في أم همج كاكوم عقيد الزايلة ؟ ما سمعت بالنمر حرق الخديوي القايلة
؟

_________________
العلم يقودك دائماً إلى بر الأمان ... تعلم وقل ربى زدنى علماً

الرجوع الى أعلى الصفحة اذهب الى الأسفل
beiaz
عطبراوي نشط
عطبراوي نشط
avatar

عدد الرسائل : 49
1 :
تاريخ التسجيل : 25/04/2010

مُساهمةموضوع: رد: رد أهل العوض   السبت مايو 22, 2010 3:44 am

لكن لسانك فك يا إبني أصلو مابتستامن تشحن في النفوس من الغبينة مُداماً
بس سمة المن مثالك في البحر بترامن العربي إن رقص ألبل قرونن قامن

******
دحين ياخي رغم الغطرسة بالتمثيل وحبة كاشك تلقى أصفارنا أكبر من مساحة داشك
شبعانين طحين من الفطير ودراشك أخير تبعد بخاف من شوكنا يخرب شاشك

*****
ومهما زعمت من عزة ونفخ فشفاشك أعلم طينّا أنصح من تراب خشخاشك
شوف ليك ناس رخاس تاخد عليهم فاشك أول غلطة كان تنيتا بنعل خاشك

*****
دحين ياخي اولاد عرب والغير عرب كلهم أخوانك إحذر واكترث شكل قوافي لسانك
والرمي فوق الجماعة بالتعابير خانك في نص البحر بتدور تقج صيوانك ! ؟

*****
نحنا نضافنا يا ود موسي مو صابون نحنا نضافنا فى عروض وشرف مصيون
نحنا نضاف ضراع بالدكري المسنون طيبين عُشرة ولكن للخصم طاعون

*****
نحنا سماحنا يا ود موسي مو كريمات ولمعة لون نحنا ولدنا عاشميق عكس للعرجون
نحنا ناس لينا أعراض بيحكمن قانون سماحة الزول يفرّج كربة الممحون

*****
نحنا دفعنا يا ود موسي ما جركان ونحنا ما بندفع الجبنة وحليب الكان
ونحنا دفعنا فى النوق أمات سناماً بان نحنا ضربنا للعوق انفجار بركان

*****
وكان كلمنا يا ود موسي بنقول الكلام حقاني وكان غنينا بنخت الشعر فى معاني
عزيزين فى النسب من ذلة مابنعاني نحسب فى الجدود ستين ومن غير عاني

*****
دحين يا غبار الكبرياء المن المعالم حاجب أحذر منّوا لا ينسيك حقوق الواجب
ومن أمثال تراثنا الفي العرف والواجب مهما العين تطول مابتعلى فوق الحاجب

*****
وعشان ما نغلط معاك ونشيل النقط من شينك أوعى تعضعض الناس البوضحوا شينك
هسع وقعت في الحلة ووجب تكشينك شن ودّاك لشعراء البطانة تشينك

*****
دحين ياخي الطامع في كثيرة الغير قليلتو تضيع وسيد بيت القزاز ما ببدأ بالجديع
بولاد الحديد القاسي في القطيع العربي إن حرن وسط المحاص مابطيع

******
نحن والله لا بنخاف لا بنعاف ولا بنتهدد لا بنكل ولا بنمل ولا بنتردد
كمان للزول البخون عُشرتنا ما بنتودد نبقالو البلا في كل فِجَة مَمَدّ
َد

_________________
العلم يقودك دائماً إلى بر الأمان ... تعلم وقل ربى زدنى علماً

الرجوع الى أعلى الصفحة اذهب الى الأسفل
beiaz
عطبراوي نشط
عطبراوي نشط
avatar

عدد الرسائل : 49
1 :
تاريخ التسجيل : 25/04/2010

مُساهمةموضوع: رد: رد أهل العوض   السبت مايو 22, 2010 3:48 am

أكثر حته فى الرد ده عجبتنى :



وعشان ما نغلط معاك ونشيل النقط من شينك أوعى تعضعض الناس البوضحوا شينك
هسع وقعت في الحلة ووجب تكشينك شن ودّاك لشعراء البطانة تشينك


_________________
العلم يقودك دائماً إلى بر الأمان ... تعلم وقل ربى زدنى علماً

الرجوع الى أعلى الصفحة اذهب الى الأسفل
ابن بطوطة
عطبراوي بلاتيني
avatar

عدد الرسائل : 9217
رقم العضوية : 174
1 :
تاريخ التسجيل : 04/11/2008

مُساهمةموضوع: رد: رد أهل العوض   السبت مايو 22, 2010 8:13 pm

هذه القصيدة يا بياز تحكي عن متناقضات وسلبيات مع الاسف لم نتخلص منها حتى اليوم في مجتمعنا ..

فإن رد الشاعر يوسف الشوبلي عن اهل العوض , فمن يرد عن هؤلاء :

الحلفاوي سباب الدين

ود الغرب الما بسر القلب

الدنقلاوي حلاب التيس

الجنوبي العب

الجعلي الأحمق

العربي كناية عن التخلف والجهل

الحلبي الزي ماكنتوش كده !!

قضية مستفحلة والغريبة إنو حتى رجال الدين لا يتكلمون عنها في المنابر , رغم المدنية والتعليم والمدارس والجامعات ... الخ , لا زالت فينا تلك الجاهلية.

كانت الشلوخ قديما علامة للتفريق بين القبائل ثم تلاشت ..

نأمل أن تتلاشى هذه الكلمات البغيضة من قاموسنا

_________________


استغفر الله العظيم
الرجوع الى أعلى الصفحة اذهب الى الأسفل
beiaz
عطبراوي نشط
عطبراوي نشط
avatar

عدد الرسائل : 49
1 :
تاريخ التسجيل : 25/04/2010

مُساهمةموضوع: رد: رد أهل العوض   الأحد مايو 23, 2010 12:30 am

بما أن العنصرية (المنقولة على حسب وجهة نظرى من تربية الحبوبات مع احترامى وتقديرى وامتنانى لتربيتهن) متأصلة فينا فلن تتلاشى هذه المعتقدات بسهولة أخى سيف...

بره العارضة

فتش كل المنتديات السودانية تلقى العنصرية والشخصنة تملأ المكان

تحياتى

_________________
العلم يقودك دائماً إلى بر الأمان ... تعلم وقل ربى زدنى علماً

الرجوع الى أعلى الصفحة اذهب الى الأسفل
 
رد أهل العوض
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
عاصمة الحديد والنار :: قـــسم الأدب والقصص والروايات :: منتدي الأدب والفن والشعر-
انتقل الى: