عاصمة الحديد والنار
بسم الله الرحمن الرحيم
اخي الزائر سلام الله عليك
مرحبا بك في منتديات عاصمة الحديد والنار وحبابك الف في عطبرة
هذه الرسالة تدل علي انك غير مسجل لدينا , فإن كنت عضوا تفضل بالدخول وإن لم تكن عضوا تفضل بالتسجيل بعد قراءة قوانين المنتدى الموجودة هنا :
http://atbara.forumn.org/t1-topic#1
وللتسجيل في منظمة عطبرة الخيرية تفضل بقراءة هذه المعلومات :
http://atbara.forumn.org/t6330-topic

ولك التحية


اهلاً وسهلاً وحبابك عشرة بلا كشرة يا زائر فى منتديات عطبرة عاصمة الحديد والنار
 
الرئيسيةالتسجيلدخول

شاطر | 
 

 آخر مامر على من شعر وأعجبنى

اذهب الى الأسفل 
كاتب الموضوعرسالة
ابومريومة
عطبراوي مجتهد
عطبراوي مجتهد
avatar

عدد الرسائل : 395
1 :
تاريخ التسجيل : 05/07/2009

مُساهمةموضوع: آخر مامر على من شعر وأعجبنى   الأحد نوفمبر 21, 2010 1:45 am

منقول من صفحة الفاتح جبرا ساخر سبيل كاتب بجريدة الرأى العام وحكايات

أمام القصيدة مكتوب مجاهد على لكن لم هل هو كاتبها أم ماذا
قراءة اولى:
انة شعر و شاعر
وشعور صادق..
انة قراءة
في عصور الظلام
زمن الرَّكْشَه!
آه يا زمن الرَّكْشَه...
زمن الفوضى العَمْيَا و طَرْشَا
و زمن الوَهَم العَسْكَرْ فى البلد الغَشَّه
بلاد الناس الغَبْشَا..
الناس الجاريه الدَّاقشه
شن لاحقين؟ الشُّغُل العاطل وَلَّا الأمل الطَّشَّ؟َ
و لَّا سراب المليونات و رهاب العربيات الرَّقشه؟
الموهومين الما شايفين هم وين فى الهَرَم الكَشَّ
الكوم الفوق اتركَّزْ و حَشَّ
و هُمْ أكوام أُمْ فِتْفِتْ وعَفْشَه
ماكلين ألغام و كلام يِنْدَشَّ
مغشوشين فى العيش و الفول و التِبْشَه
و مغشوشين بترول إنْقشَّ
و مغشوشين فى حِلْماً راح و انْكَشَّ
و مغشوشين فى المويه الزرقا و غَبْشَا
و حتى كروت الكهربا غَشَّه
بيوت السكن "الشعبى" العامر غَشَّه
بيوت السكن "الوطنى" الفاخر غَشَّه
و مكشوشين فى الدِّين البَيِّن كَشَّه
و مغشوشين فى حروب و سلام..
و مغشوشين خِدْمَات إلزام..
و جِهَادُم أكبر غَشَّه
و مغشوشين جامْعَات أوهام..
قارِيْن الطب فى خلوة شيخ
لا معمل لا تشريح
لا مرجع لا تدريب لا دَوْشه
و بكره الواحد دكتور و عياده و نَفْشَه
و أمسك أقطع كبده و كرشه
و فى زمن الركشه
لا شايلين هَمْ لى بلد إتفرتق
لا شايفين بترول بتدفق
لا حاسِّين بالنار بِتْبُق
لا هم ضايقين التَّشه
مشغولين "رَكْشَات" و "التِيشَيْرْتات" و "الدِيجِيْتالات"
و مَلْهِيين "برصيد" و "شرايح" و "موبايلات" و "المِسْكولات"
و "بالتشكسات" و "الكافيتيريات" و "المُنْتجَعَات"
و "النِسْكَافَيْه" و "النَتْ كَافَيْه"
و "مسلسلات" و "باشا" و "بيه"
و مكتولات و مكتولين
و هم ساكتين تمكين و شريعه و هَرْشَه
و الناس الفوق بانين أدوار..
عاملين أسوار..
طالعين أحرار..نازلين أحرار..
لامعين أنوار خَاتِيْن الخَرْشَه
خَالِّين الشارع للفايرين ذى نمل السُّكَّر..
للحايمين ذى كلب الحَر..
و للطايرين ودَّ ابْرق و عَشَّه
لو ماشين كدارى تقول ما راكب زول
كل الدنيا كُرَاعَيْن مَاشَّه
و لو راكبين بتشوف الشارع وَرْشه
"الأمجاد" تتراجف ذى القشّه
و "الحافلات" فى حُفر المويه قِرِنتى و قِرْشَه
و تلقى "جياد" تِتَّنَّّى و ناسْيَه قروض البنك الغَشَّه
و الطيبين راكبين خازوق
لا هم لاحقين الناس الفوق
لا هم بالدخل الشهرى الممحوق
تامِّين أقساط البنك الدُّقْشَه
و منهوكين بى "ربا إسلامى حلال"
و بنوك الناس الفوق راسمال
بفتاوى شيوخ السوق يتوَشَّى
مُضاربه مَرَّه و مَرَّه مُشاركه
والشيكات تتطاير طاشَّه
و مافيا السوق تِتْمَكَّن سرقه و لَطْشَه
آه يا زمن الركشه
و ما أدراكْ ما الركشه
الركشه كُدُنْدَاره و عَمْشَا
تطير و ترِك محل ما تدور
فى راس البيت..
فى أقرب خور..
أو فى راس الزول كان قال يِتْمَشَّى
سايطه الشارع ذى الكَمْشه
بتطلع داقشه و تنزل داقشه
و السَّوَّاق بس كابتن طياره..
مَهَنْدَم و آخر حَشَّه
و الطبلون مرصوص بالنَّدْ و فتايل ريحه و فُرشه
و مَكَوَّم "سِيْدِيهات" بالدُّقشه
الغُنا مصرى و سورى و "زَفَّه" و "دَبْشه"
"نانسى العجرم" و "سَيِّد طُلْبه القفْشه"
"حماده البت!" يا حليل "الكاشف" و "عَشَّه"
و ال"رَيْقِى" و ال"راب" ضاربين الدَّوْشه
و العجلات تتراقش رقشه
و كرسى الركاب بس أودة نوم فى أحسن فَرْشه
و تنزل "فاطنه" و تركب "عشّه"
و ماشين وين..اللهُ عليم
و قروش من وين..اللهُ كريم
لا زول سائل..لا زول مسئول.. لا دَهْشَه
و رِكيشة الهنا - يا كافى البلا- لا نور قِدَّام
لا وَرا خَطَرَات..لا فيها مَنَشَّه
بالليل وطواط سرحان عميان
فى المطره قَعُوْنْجَه تنَطِِّط رَوْشَا
ترُش بالطين و باللعنات..
و بالبُنْيات بتْتِم الرَّشَّه
و الشارع مُوْلِد و غايب سِيْدُو
لا قانون لمرور
لا عمود نور
لا عبد الظنبور
الفالح ياخد حقو و حق الناس الهَشَّه
و المسكين العُر خليهو تجيهو الكِشَّه
الراكب يلعن أم الماشِّى و يوم الماشَّه
و الماشِّين قادْلِين و أضان الحامل طَرْشا
و البوليس بس دَايْر يِتْعَشَّى
بى عَصْرَه يخلى الترخيص فى رَمْشَه
و بى ربع المبلغ يخَلِّى الدَّقشه
"الإيصالات" حركات فَنِّيَّه
و الشِّفِت الفاهم يِنْقُشَا نَقْشَه
و الناس العَرْضِ و طول
كان كتلو الزول
مارقين بى بطاقه و خُمْشه
مارقين بى بطاقه و خُمْشه
و لو ضابط عَنْقَد ياها الطَّفشَه
و لو واحد خَرْخَرْ آخرو الطَّشه
و لو أهل الميت طلبوا الدم ما بيلقوا النّتْشَه
لا تار لا دِيَّه..لا الواحد قِدِر يتفَشَّى
آه يا زمن الركشه..
و زمن "البيت السورى" و "مصرى"
مَالا "بيوت السودان" اتمسخت قِبْلى و بحرى..عَمَاره و عُشَّه؟
خلينا "الكِسره" بناكل "بيتزا" و "كُشرى" و "طَقْشَه"
وين "الشرموط" و "الوَيْكَه" .. و وين "الكَرْشه"؟
آه يا زمن الركشه
و لو ضابط عَنْقَد ياها الطَّفشَه
و لو واحد خَرْخَرْ آخرو الطَّشه
و لو أهل الميت طلبوا الدم ما بيلقوا النّتْشَه
لا تار لا دِيَّه..لا الواحد قِدِر يتفَشَّى
آه يا زمن الركشه..
و زمن "البيت السورى" و "مصرى"
مَالا "بيوت السودان" اتمسخت قِبْلى و بحرى..عَمَاره و عُشَّه؟
خلينا "الكِسره" بناكل "بيتزا" و "كُشرى" و "طَقْشَه"
وين "الشرموط" و "الوَيْكَه" .. و وين "الكَرْشه"؟
آه يا زمن الركشه
و لو ضابط عَنْقَد ياها الطَّفشَه
و لو واحد خَرْخَرْ آخرو الطَّشه
و لو أهل الميت طلبوا الدم ما بيلقوا النّتْشَه
لا تار لا دِيَّه..لا الواحد قِدِر يتفَشَّى
آه يا زمن الركشه..
و زمن "البيت السورى" و "مصرى"
مَالا "بيوت السودان" اتمسخت قِبْلى و بحرى..عَمَاره و عُشَّه؟
خلينا "الكِسره" بناكل "بيتزا" و "كُشرى" و "طَقْشَه"
وين "الشرموط" و "الوَيْكَه" .. و وين "الكَرْشه"؟
آه يا زمن الركشه
و لو ضابط عَنْقَد ياها الطَّفشَه
و لو واحد خَرْخَرْ آخرو الطَّشه
و لو أهل الميت طلبوا الدم ما بيلقوا النّتْشَه
لا تار لا دِيَّه..لا الواحد قِدِر يتفَشَّى
آه يا زمن الركشه..
و زمن "البيت السورى" و "مصرى"
مَالا "بيوت السودان" اتمسخت قِبْلى و بحرى..عَمَاره و عُشَّه؟
خلينا "الكِسره" بناكل "بيتزا" و "كُشرى" و "طَقْشَه"
وين "الشرموط" و "الوَيْكَه" .. و وين "الكَرْشه"؟
آه يا زمن الركشه
و لو ضابط عَنْقَد ياها الطَّفشَه
و لو واحد خَرْخَرْ آخرو الطَّشه
و لو أهل الميت طلبوا الدم ما بيلقوا النّتْشَه
لا تار لا دِيَّه..لا الواحد قِدِر يتفَشَّى
آه يا زمن الركشه..

و زمن "الدُّكَّان" الأصبح "سنتر"
و بقى "للعنوان" إسماً أشتر
و اليافطات بالصِّينى و باللاتينى
فى بلداً ما فكَّ حروف العربى الطَّرْشَا
"عَوْلَمَه" دى؟ أم عالَم خلوهو قُعاد على هَبْشه؟
لا معصوم من "الديجيتال"
لا هُوْ حصين من "سوداتل"
لا عندو وجيع لا حارس باب
لا معروف المارق من الخشَّ
آه يا زمن الركشه..
و زمن "السوق الليبى" و "سوق الناقه"
و زمن الفاقه..زمان الفاقه
و "حمَّام السوق" الدَّهْشه
ياللعار!
فيك الإبريق بإيجار
و جُمَار الناس أسعار
و حكومتك تجبى ضريبة الظرطه
و تجبى ضريبة اللقمه و رَىَّ العَطْشه
و تفتح دفتر للبِتْجَشَّا
آه يا زمن الركشه..
و زمن ال"موبيتل" و ال"سوداتل" و "أريبا"
خاتياك الرِّّيبه.. و تخْتاك الهَبْشَه
شركاتك كِتْرَتْ و "موبايلاتك" مَلَتْ الشارع
دَخَلَتْ جوَّه المدرسه..جوَّه الجامع
ناس تتكلم فى المليان و الفارغ
و ناساً تملا جيوبا و بالمسكين تتعشَّى
و الموبايل يكُورِكْ شوفونى
محجَّبه شاقه الحِسْ
و منقَّبه ما بتدِسْ
و مكَهْرَبه لابسه الجينز
و الموبايل آخر لقطه و رقشه
آه يا زمن الركشه..
و زمن العِرِس "العُرفى"
و عِرْس "المتعه"
و "راجل المَرَه دَه" و "بِتْ القلعه"
و زمن الشِّقَق الفَرْشَه
و ألف لقيط فى الشهر الواحد
و ألف فضيحه و كَشَّه
آه يا زمن الركشه
و زمن "المُوْل" الأجنبى و "الأوزون"
زمن "الأفيون"
أولادك فى "العفراء" حايمين
و بناتك لا فى المدرسه لا فى البيت قاعدين
يا ترى هم وين..بل وين اليَد الحِمْشَه ؟
آه يا زمن الركشه
و زمن البلد الصَّبْحتْ سِتَّه جيوشا
"القومى" ده واحد
و "دفاعنا الشعبى" اتنين
و تلاته "القوات الخاصه"
و الرابعه "الشرطه"
و خمسه "الحركه"
و من دارفور السَّاتَّه
و لِسَّه "القوات الدوليه"
ده غير الميليشيات المِيَّه
حكوميه و شعبيه
و "شعوب" مَنسِيَّه "مَهَمَّشَه" نارا تولِّع
و ألفين قنبله موقوته وجاهزه تفرقع
و مليون بُعْبُع
و مليون غشَّه
و آآآه يا زمن الركشه
الفيك الشَّعْبِ انغشَّ..انكشَّ..انقشَّ
و ساكت هَرْشَه!!!!!



_________________
رضينا بلا قرن ننساق
...........وحين نحرن جبل ياساق












الرجوع الى أعلى الصفحة اذهب الى الأسفل
ابن بطوطة
عطبراوي بلاتيني
avatar

عدد الرسائل : 9217
رقم العضوية : 174
1 :
تاريخ التسجيل : 04/11/2008

مُساهمةموضوع: رد: آخر مامر على من شعر وأعجبنى   الجمعة ديسمبر 10, 2010 3:55 pm


ووااااي يا امي ..
من زمن السوط الجانا من غير اخلاق
ولهب العنج الحاصرني من الراس للساق
وطائقة المؤمنين والضحك ملء الاشداق
عشان السوط بيربي ويجيب اخلاق ؟
طيب ليه في المدرسة اتمنع وخنقوه خناق ؟


_________________


استغفر الله العظيم
الرجوع الى أعلى الصفحة اذهب الى الأسفل
أبووردة
مشرف سابق
مشرف سابق
avatar

عدد الرسائل : 2580
1 :
تاريخ التسجيل : 15/05/2009

مُساهمةموضوع: حليل ناس حليمه   الجمعة ديسمبر 10, 2010 4:57 pm

حليل ناس حليمه وناس نبيله
يمسحن بالزيت حاجه عجيبه
ما شافن الكريمات الجميله
ما شافن سحر وسامرديمه
البخور والدلكه ما ليهوقيمه
والشامبووأوكامبوذى الوليمه
البنات زحمه وصراع عزيمه
وابوفاطمه روحو عدمت الشكيمه
وودعجرم كريماتو تتلأفى المدينه
وبت حليمه شايله الدلكه فى كريمه
وصوالين الحلاقه بقت كوافيرزميمه
البنات لورجعن للمشاط تكون جريمه
الرجوع الى أعلى الصفحة اذهب الى الأسفل
 
آخر مامر على من شعر وأعجبنى
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
عاصمة الحديد والنار :: قـــسم الأدب والقصص والروايات :: منتدي الأدب والفن والشعر-
انتقل الى: