عاصمة الحديد والنار
بسم الله الرحمن الرحيم
اخي الزائر سلام الله عليك
مرحبا بك في منتديات عاصمة الحديد والنار وحبابك الف في عطبرة
هذه الرسالة تدل علي انك غير مسجل لدينا , فإن كنت عضوا تفضل بالدخول وإن لم تكن عضوا تفضل بالتسجيل بعد قراءة قوانين المنتدى الموجودة هنا :
http://atbara.forumn.org/t1-topic#1
وللتسجيل في منظمة عطبرة الخيرية تفضل بقراءة هذه المعلومات :
http://atbara.forumn.org/t6330-topic

ولك التحية


اهلاً وسهلاً وحبابك عشرة بلا كشرة يا زائر فى منتديات عطبرة عاصمة الحديد والنار
 
الرئيسيةالتسجيلدخول

شاطر | 
 

 قصيدة الكماشه وقصتها

اذهب الى الأسفل 
كاتب الموضوعرسالة
سامى جنابى

avatar

عدد الرسائل : 4
1 : 1
تاريخ التسجيل : 20/01/2011

مُساهمةموضوع: قصيدة الكماشه وقصتها   الخميس يناير 20, 2011 4:26 pm

قصيدة الكماشه وقصتها

القصه
زار الشاعر ادريس البنا الطيب حسن فاحضر الطيب حسن زجاجة كوكاكولا ولم يجدوا شيئا يفتحوا به الزجاجه فاحضر الطيب حسن كماشه وفتح بها الزجاجه وبعد ان شرب ادريس البنا كتب كلمات ووضعها تحت الزجاجه وذهب فوجدها الطيب حسن مكتوب عليها الابيات التاليه :

جيتك من بعيد ماكلين سمك وبغاشه
زايرنك وغايرين حلة القشاشه
الطيب حسن معروف كريم ذو بشاشه
كم فتح دست كوكاكولا بالكماشه
فقام الطيب حسن بمجاراتها وكتب الاتى
شكرا يا امير انا عندى كم كماشه
بكرم كل حر زيك بكل بشاشه
والعجب ان معاه لفيف وكانوا عطاشه
كماشتى الظريفه وناعمه ماها دراشه
لا بتكسر قزازه لا بتدفقها حاشا
قبضته للغطايه تصيح تقول وشاشه
اما ضيافتك إت يا ادريس نياق وكباشه
يا نسل الكرام فى العزه جدك باشا
لى دربك كنسنا وكم مشت رشاشه
جيتك لينا بتزيل من عيونا طشاشه

قلبى من البعيد لرفاعه حن وراشه
بزكر زمن ما بنلعب الطقاشه
فى الصبيحه ندرس وفى العصر قشاشه
الواحد بشيل لى حبلو والحشاشه
لا لوم لا شناف بل بين بعض نتفاشه
كعكول السنيط بنكوسوا بالفتاشه
والروب فى العوايده جميل نسوى غباشه
كنا مؤدبين افواهنا مى هتراشه
نحفظ حرمة الجار ما بتقودنا هباشه
يا حليل البعاد والونسه فى الكشاشه
لما تكون مسويه دابه بى نتراشه
ايام حلوه قط ما فيها شى بنتحاشه
والله العظيم لا زلت بطرى عكاشه

يا حليل ود معنى نخيلو للعين شاشه
ورده مع عوض فى جنينتو عامله تشاشه
من فوق ام رهو متعددات أحراشه
والوسطانى عوم فى عرفو ما بتماشه

ثم قام الاستاذ خالد ابو الروس بمتابعة القصيده وكتب الابيات التاليه
يا الضحوى النزل ماك مطره رشاشه
ويا اب ايدن نديه وللدمع قشاشه
بتقابل الضعيف وشك تزينه بشاشه
دراج للمسيكين بيك اليتيم بتراشه
سباق للبماشيك وانت ما بتتماشه
وحاتم لو رءاك كان كرمه راح واتلاشه
رب الصنعه انت ومعدنه وقراشه
ليك الرابو رقص والازميل مع الخداشه
لكن ليه فتحت البيبسى بالكماشه

ثم عرضت الابيات على محمد ابو سنينه فنظم الابيات التاليه

شياطين الشعر هجمت على جات ماشه
وتبكى وتتعرض واتحتحت رماشه
ومن كتلر الزعل كيف شرطت لى قماشه
قالت لى الكماشه مى كماشه
والناس ما بتشوفها عشان عيونه عماشه
الما بعرف يقول دى حديده متل الماشه
والبعرف بقول عصاة موسى جاتكم ماشه

واخيرا ختمها الطيب حسن بقوله :

شكرى للجميع المدرسه وفراشه
وام در من اعز عزيز لى اوباشه
ما قصدى الدفاع ابدا ولانى فتاشه
روميل قبلى برضو استعمل الكماشه
صانعه لمن ادوهو النياشين ماشه
بالسم الزعاف ساقيها لمه طراشه
حير لى حلبتنا البسوا الماشه
ان قلته ما بترحمن نتاشه
والعجب الكبار زى البرق كلباشه
اما البيبسى كولا دوام مطلعه خاشه
مرات تكرمه ومرات تجيك بى رشاشه
كم الاف دست لى مقنعن كفاشه
فلتحيا وتعيش من عينى ما تتلاشه
الرجوع الى أعلى الصفحة اذهب الى الأسفل
ابن بطوطة
عطبراوي بلاتيني
avatar

عدد الرسائل : 9217
رقم العضوية : 174
1 :
تاريخ التسجيل : 04/11/2008

مُساهمةموضوع: رد: قصيدة الكماشه وقصتها   الخميس يناير 20, 2011 5:35 pm


الجيل الجديد يا سامي يا الماك رشاشة
ما بيعرف الفرق بين الزردية والكماشة
تعال يا ابو وردة يا التايب من الرشاشة
ورينا الفرق بين الكماشة والماشــّـــــــة



_________________


استغفر الله العظيم
الرجوع الى أعلى الصفحة اذهب الى الأسفل
سامى جنابى

avatar

عدد الرسائل : 4
1 : 1
تاريخ التسجيل : 20/01/2011

مُساهمةموضوع: رد: قصيدة الكماشه وقصتها   الثلاثاء يناير 25, 2011 8:02 pm

ما هذا البيات الشتوى يا ناس عطبره اين التفاعل

مشكور اخونا سيف على المرور والمشاركه
الرجوع الى أعلى الصفحة اذهب الى الأسفل
محمد جمعة
مشــــرف
مشــــرف
avatar

عدد الرسائل : 3753
رقم العضوية : 85
1 :
تاريخ التسجيل : 25/03/2008

مُساهمةموضوع: رد: قصيدة الكماشه وقصتها   الأربعاء يناير 26, 2011 5:37 am

رائع ياخوي سامي
مجاراه رائعة بين فطاحلة الشعر والادب
شكرا جميلا لك اخي سامي

_________________



كل مايخص المنظمة هنا
اللهم اشفي ابنائنا عبدالمنعم وشهد انت الشافى



الرجوع الى أعلى الصفحة اذهب الى الأسفل
سامى جنابى

avatar

عدد الرسائل : 4
1 : 1
تاريخ التسجيل : 20/01/2011

مُساهمةموضوع: رد: قصيدة الكماشه وقصتها   الخميس يناير 27, 2011 1:50 pm

سيف الدين كتب:

الجيل الجديد يا سامي يا الماك رشاشة
ما بيعرف الفرق بين الزردية والكماشة
تعال يا ابو وردة يا التايب من الرشاشة
ورينا الفرق بين الكماشة والماشــّـــــــة



اخشى ان يكون الجيل الجديد لا يعرف الاشخاص المزكورين فى القصيده وتبقى مشكله يا سيف يا اخوى
الرجوع الى أعلى الصفحة اذهب الى الأسفل
 
قصيدة الكماشه وقصتها
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
عاصمة الحديد والنار :: قـــسم الأدب والقصص والروايات :: منتدي الأدب والفن والشعر-
انتقل الى: