للإنسان بالمدينة لا للأسافير ولا للرابطة كيانها

منظمة عطبرة الخيرية باقية إلى ما يشاء الله لهــــا

ولو كره الكافرون بها وحرقوا بخور الإفك حولهـــا

وهي ما بقيت عطبرة ستبقى فأبيدوا المدينة تبيدونها

لأنها على قلــوب نقيـــة في ام دالات كان مولدهـــــا

طلع الحب علينا من ثنيات بغض وأوجاع شعارهــــا

فبارك الله حولها وقيض لها عمال دريسة لقطارهـــا

مزمجرا يطوي ارض المآسي خضرة يكسو تلالهـــا

عاكفين عليها صائمين نهارها بالعطاء قائمين ليلهـا

بالغدو والآصال متضرعين للرحمن يرفعون عمادهـا

مستقلة ومحايدة بكل جرأة قالتها ولها تعمل وبهـــا

إنسانية اجتماعية لا لون لا طعم ولا رائحة لهــــــا

للغبش العازفين على وتر المحبة سيكون انحيازها

فدعوها تأكل من خشاش أرض الزارعين آمالهــــا

أو اعقروها يدمدمكم ودونكم قتل المدينة بأسرهـــا

أو قارعوها بمثلها فذلك يسعدها ويثلج صدرهـــــا

فإن احترتم فلكل (فرد) تفرد بالحنان ذراعهــــــا

فهي لا تندمـج ولا تتحــد حتى لا يضيع حيادهـــــا

واسألوا شبكة المنظمات تنبئكم كيف كان عنادهــا

للكل تعمل وبالكل تفخر بما يحفظ لها استقلالهــــا

بذلك يدوم بقاؤها أبقى الله حكومـــات أو أزالهــــا

للإنسان بالمدينة لا للأسافير ولا للرابطة كيانهـــا

_________________

استغفر الله العظيم

سيف الدين كتب:: للإنسان بالمدينة لا للأسافير ولا للرابطة كيانهـــا

اخي وحبيبنا سيف الدين وسيف منظمة عطبرة المسلول

_________________

كل مايخص المنظمة هنا
اللهم اشفي ابنائنا عبدالمنعم وشهد انت الشافى

شهادة شكر وتقدير ..
للحرامي القمئ الذي حاول سرقة موقع المنظمة على الفيسبوك
فقد أثبتت لنا أننا نسير على الطريق الصحيح
مما أجج نار الحقد الاسود في قلبك

وشهادة شكر وتقدير ثانية ..

لنفسك المريضة التي أثبتت لنا أننا كنا على حق
عندما اتخذنا أقصى درجات الأمان في أعمالنا تحسبا لمثل هذا اليوم
وسنزيد .. وسنزيد .. وسنزيد درجات الأمان

وشهادة رسوب بجدارة لمهاراتك المضحكة

على الرسوب في اختبار الحاسب
لجهلك المدقع بأبجديات حماية المواقع
يا هذا : حسابنا مؤمن على عدة مستويات , كل مستوى بأقوى درجات التشفير
وآخر مستوى (...) , بمعنى : لن يتم شئ بدون موافقتنا

يا هذا .. إننا نرثى لحالك ونعاملك بفقه السترة هذه المرة
ولكن إن أعدت الكرة ..
فالفيسبوك يزودنا ببلدك وولايتك ومدينتك ونظام تشغيلك ومتصفحك ورقم الآي بي و( ...)
أنت الآن معلوم لدينا إسما وشخصا .. ولكن سترناك لعلك ترشد بعد ضلال
وبالتالي ستكون محاولتك التالية مدمرة لك ..
فاحذر وارعوي وادفن أحقادك المريضة هذه

وشكرا اخيرا كثيرا لك ..
لأننا سنحتفظ بالحساب لدى جهة واحدة منعا لتسربه

وهاك علق البيتين ديل حلقة في اضنيك :
منظمة عطبرة الخيرية باقية إلى ما يشاء الله لهــــا
ولو كره الكافرون بها وحرقوا بخور الإفك حولهـــا

ونحتفظ بالصورة الأصلية الى حين ميسرة لنا ومعسرة لك

_________________

استغفر الله العظيم

الأخ سيف الدين
سلام عليكم
زولآ زي ده ما كان تسترو و لا حاجتين ، الزول ده أكان مريض نفسيآ ما يمش يشوف ليهو علاجآ عند طبيب نفساني بدل المصايب البيعملها دي
و يا زول هوي أكان بتعرف الله كنت عرفت إنو نجاح أو فشل المنظمة بيد الله و ما علي الأعضاء إلا السعي ، و مهما نططت جاي و جاي لا حتضر المنظمة و لا شيتين فأحسن ليك روق في علبك ، أكان ما دايرتبني معاهم أنت حر، لكن ما تهدم ما بناهو غيرك يا زول ؟؟

يا اخونا من ستر مسلما فى الدنيا ستره الله يوم القيامه والستره دى المقصود منا ارسال رساله له لكى يتعظ ويعتبر والمنظمه محروووووووووووسه
وستظل شامخه
والكلام دا دليل عافيه

_________________

الى العُلا ياعطبره
عطبره عطبره
يأم الكل

يا هشام بالله في (امريكا العظيمة) شوف لينا كجامة زي كجامة ابووردة (اضغط هنا)
لانو هسه ما فاضيين ليهو , مشغولين بموضوع الاخت اشراقة
الغبي ده قدم لينا خدمة كبيرة لأنو من الناس الكننا بنديهم ضهرنا آمنين له
ــــــــــــــــــــــــــــــــــــــــــــ
ود عبد الجليل , ما تخاف يا زول بنستر عليهو لأنو برضو اخونا
واخوك في البيت ممكن يغلط عليك
ــــــــــــــــــــــــــــــــــــــــــــ
وده كلو بيقوينا اكتر ويخلينا مفنجلين عيوننا
وغيرنا سياسة الصمت الى سياسة المواجهة
أي زول تاني يتكلم كلمة عن المنظمة دي ما يلوم الا نفسو

_________________

استغفر الله العظيم

الشعب يريد تفاصيل المشكلة
وفقه السترة ده برنامجه براااااااااااااااااااه
على الاقل عشان نعرف مانكون ماشين ساى لا فى العير ولا فى النفير
كيف يبلغ البنيان يوما تمامه اذا كنته تبنيه وغيرك يهدم

محمد جمعة كتب:: اخي وحبيبنا سيف الدين وسيف منظمة عطبرة المسلول

الزارعنا غير الله اليجي يقلعنا

_________________

كل مايخص المنظمة هنا
اللهم اشفي ابنائنا عبدالمنعم وشهد انت الشافى

سبحــان الامــر عمــل خير ولا شــى تانــي

الناس دي الحصل عليها شنو؟؟؟

الامر بسيط وعادي يا جماعة ما تخافوا .. وبتحصل في ارقى المنظمات
قصدنا من النشر أن يعلم من لا يعلم أننا صاحيين وواعيين
ومحروسين من الله قبل حراسة التشفير والأمان
المنظمة بدأت شعبية وستظل شعبية
وسيأتيها من هو صادق وقلبه مفعم بحب الخير للناس ويذوب وسط الجماعة
وسيأتيها من يريد وجاهات الدنيا والمناصب , فإن لم يجدها يحاول تعكير جوها
وعشان تطمئنوا : كل شاردة وواردة في فيسبوك المنظمة تأتيني عنها رسالة جوال
خلونا في موضوع الاخت اشراقة .. الى الأمام
أما اولئك القوم .. فكجامة أبووردة تكفينا شرهم tongue

_________________

استغفر الله العظيم

القمم دائما مستهدفه
وما حا اقول ليكم اعملو حسابكم لانكم مامحتاجين توصيه ومفتحين عيونكم تمام وربنا يستر عليكم من الحقد والحاقدين والله معاكم انشاء الله

الحمد لله والشكر لله هؤلاء القرشيين الله يهديهم لعمل الخير وأتمنى أن تكون دوافعهم فيها خير ليكم لمزيد من العمل وأتمنى لهم نفس الدافع ليصب كل عمل منهم ومنكم فى مصلحة عطبره وأرجو من إخواانى فى المنتدى التهديه فعل وعسى أن تكون دوافعهم تصب لزيادة الحماس عندكم ولمصلحة عطبره وليس أكثر من ذلك وارجو الستر وربما يكونوا فاهمين خطأ وأتركوا الموضوع للنجامه وتحياتى